Kosova lidh marrëveshje bilaterale me Panaman

Kosova

Kosova lidh marrëveshje bilaterale me Panaman

Më: 24 maj 2017 Në ora: 18:14
Pamje nga takimi

Republika e Kosovës dhe Repubika e Panamasë kanë lidhur marrëveshje bashkëpunimi mbi punën fitimprurëse për anëtarët e familjeve të personelit të një misioni diplomatik ose të postit konsullor, njofton Ambasada e Kosovës në Panama

Marrëveshja u nënshkrua të martën në Panama nga Ambasadorja e Republikës së Kosovës në Panama, Zana Rudi, dhe Ministri i Ngarkuar i Punëve të Jashtme i Panamasë, Luis Miguel Hincapié.

Kjo marrëveshje rregullon punësimin dhe çështjet lidhur me imunitetin për anëtarët e familjes së anëtarëve të misionit diplomatik sipas juridiksionit penal të shtetit pranues sipas Konventës së Vjenës mbi Marrëdhëniet Diplomatike të vitit 1961 ose sipas normave të së drejtës ndërkombëtare tradicionale të futura në Konventën e Vjenës mbi Marrëdhëniet Konsullore të vitit 1963.

Kjo është marrëveshja e parë bilaterale e bashkëpunimit e nënshkruar ndërmjet Republikës së Kosovës dhe Republikës së Panamasë.

Sot mund të lexoni Shfletoni kopertinat