Lidhja Demokratike e Kosovës sot do të bëjë prezantimin e kandidatit të saj për kryetar të Prishtinës, Arban Abrashi dhe atij për Prizren, Hatim Baxhaku.
Në të dyja këto prezantime do të marrë pjesë kryeministri në detyrë i Kosovës, njëherësh kryetar i LDK-së, Isa Mustafa.
Arban Abrashi në garën për kryetar të komunës së Prishtinës do të ketë për kundër-kandidatë Lirak Çelajn nga PDK, Rifat Deri nga Alternativa dhe kryetarin aktual të komunës nga radhët e Lëvizjes Vetëvendosje, Shpend Ahmeti.
Konferenca në Prishtinë do të mbahet në Sheshin “Adem Jashari”, ndërsa ajo në Prizren mbahet në oborrin e Kompleksit të Lidhjes Shqiptare të Prizrenit.