Komuna e Suharekës ka anuluar koncertin ‘Diafest’ pas aksidentit me dy të vdekur.
Fatkeqësi të shumta i kanë prekur banorët e Komunës së Suharekës këtë verë.
Sot ndodhi edhe një aksident, ku humbën jetën dy banorë të kësaj komune.
Kryetari Bali Muharremaj në nderim të këtyre viktimave ka anuluar koncertin e paraparë të mbahej sonte.
“Komuna e Suharekës, po përjeton çaste jo të mira këto ditë. Raste jo të këndshme po ndodhin, sidomos raste tragjike në komunikacion ku po humbin jetën qytetarët tanë. Sot edhe një rast i rënd tragjik në komunikacion, ku humbën jetën dy të rinj nga fshati Mushtisht i Suharekës. Ky rast ka prekur rënd kryetarin e Komunës z. Bali Muharremaj, i cili ka anuluar koncertin e sotëm që ishte i planifikuar të mbahej në kuadër të aktiviteteve për mërgimtarët tanë, Diafest. Dhashtë zoti të mbetet i fundit!”, thuhet në njoftimin e lëshuar nga Komuna e Suharekës.
