Moti për ditët e ardhshme, temperaturat deri në 28 gradë - Bota Sot
Moti për ditët e ardhshme, temperaturat deri në 28 gradë

Kosova

Moti për ditët e ardhshme, temperaturat deri në 28 gradë

Më: 9 shtator 2018 Në ora: 22:56
Foto ilustrim

Gjatë pesë ditëve të ardhshme mbi vendin tonë do të vazhdojë të mbretërojë mot me diell, vranësira kalimtare dhe temperatura të larta.

Kjo gjendje vjen si pasojë e masave të ajrit me presion të ngritur atmosferik, të cilat kanë krijuar kushte, që fushat anticiklonike të mbeten të fuqishme mbi gjithë territorin e vendit tonë, por edhe më gjerë.

Indeksi i rrezeve ultravjollcë mbetet i lartë, pavarësisht se jemi në ditët e fundit të stinës së verës.

Temperaturat minimale parashihen të lëvizin nga 10-13 gradë Celsius, ndërsa maksimalet e ditës parashihen të lëvizin ndërmjet 25-28 gradë Celsius.

Në viset me lartësi mbidetare mbi 800 metra, temperaturat do të ulen për 3-5 gradë në të dy vlerat ekstremale.

Era do të fryjë kryesisht nga verilindja, me shpejtësi deri 9m/s, njofton Instituti Hidrometeorologjik i Kosovës.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...