Policia e Kosovës ka gjetur sot veturën me të cilën një ditë më parë persona të armatosur kanë hyrë në Terminalin Doganor në Merdare për të plaçkitur.
Siç njofton media, vetura e cila është pa targa është gjetur në fshatin Dobratin të Podujevës.
Media u sjell edhe foton e veturës të marrë dje nga kamerat e sigurisë së Terminalit Doganor.
Policia nuk ka arritur që të kap të dyshuarit, ndërsa besohet se kjo veturë është përdorur edhe në disa vjedhje tjera, që janë kryer nën kërcënimin e armeve në rajonin e Podujevës.
Persona të armatosur dje kanë hyrë në objektin e Terminalit Doganor në Merdare të armatosur me armë të gjata “Kallashnikov” dhe nën kërcënimin e armeve kanë tentuar të plaçkitin, por që sipas zyrtarëve policor, të dyshuarit nuk kanë arritur të marrin asgjë.
