Kompania turke ndërton central të erës në Kitkë të Kamenicës

Kosova

Kompania turke ndërton central të erës në Kitkë të Kamenicës

Më: 25 tetor 2018 Në ora: 15:27
Kompania turke ndërton central të erës në Kitkë të Kamenicës

Kompania e energjisë elektrike në Turqi, GÜRI? Holding ka bërë investimin internacional të parë në malin Kitka të Kamenicës. Ky është centrali i parë i energjisë së erës në Kosovë me fuqi prej 32.4 MW.

Ambasadorja e Turqisë në Kosovë, Kivilcim Kiliç, ka uruar fondacionin GÜRYS, për këtë projekt në Kosovë.

"Përgëzoj GÜRI? për përkushtimin e madh për gjithë këtë projekt dhe Kosovën që ia besoi Turqisë këtë projekt. Besoj se ky projekt do të ndihmoj që në Kosovë të fitohet energji, nga burime të ripërtëritshme që kështu të shmanget ndotja e ajrit. Me 382 milionë euro investime në Kosovë, Turqia është investitori më i madh në Kosovë", tha ajo.

 Ilir Shala, postmenaxher tha se kjo dëshmon që përveç resurseve si thëngjilli, Kosova ka edhe resurse të ripërtëritshme.

Ministri i Mjedisit Fatmir Matoshi tha se investitorë të tillë do të jenë të mirëpritur çdo herë në Kosovë, duke shtuar se ky është shembull i mirë që kur punohet mirë, sukseset nuk mungojnë. Zëvendëskryeministri Enver Hoxhaj, tha se është ngjarja më e bukur, ku mund të jep një pamje se si mund të duket edhe Kosova e bukur dhe moderne.

"Mesazhi im është se jo larg nga këtu është kufiri me Kosovën, ku dialogu mes Kosovës dhe Serbisë duhet të përfundojë, kjo është një shembull i mirë.

Ky park i erës është shembulli më i mirë, që si duhet të transformohet Kosova", tha Hoxhaj.

commentFirst article
Sot mund të lexoni Shfletoni kopertinat