Këshilli i Fakultetit të Mjekësisë në mbledhjen e 44-të të Senatit të Universitetit të Prishtinës “Hasan Prishtina” ka dërguar propozimin që profesori Sefedin Muçaj të zgjedhet prodekan për çështje akademike në këtë fakultet.
Rektori i UP-së, Marjan Dema vendosi në votim propozimin e Fakultetit të Mjekësisë për emërimin e profesorit Sefedin Muçaj në pozitën e prodekanit.
“Pika tjetër është miratimi i propozimit të Fakultetit të Mjekësisë gjegjësisht Këshillit të Fakultetit për emërimin e prodekanit për çështje akademike Sefedin Muçaj… njëzëri u votua propozimi”, deklaroi rektori, shkruan kallxo.