Albin Kurti mirëpret studentët nga Estonia - Bota Sot
Albin Kurti mirëpret studentët nga Estonia

Kosova

Albin Kurti mirëpret studentët nga Estonia

Më: 26 tetor 2018 Në ora: 18:36
Kurti ka pritur në takim studentët dhe profesorët nga Estonia

Lideri i Vetëvendosjes Albin Kurti, ka pritur në takim studentët dhe profesorët nga Instituti i Studimeve Politike Johan Skytte, në Universitetin e Tartusë, Estoni.

Studentët kishin për qëllim të mësojnë më shumë mbi sfidat me të cilat ballafaqohet një shtet i ri.

Duke u interesuar edhe mbi rrethanat e krijimit të Lëvizjes Vetëvendosje, formimin ideologjik të saj dhe rolin që luan në skenën politike në vend.

“Vizioni i Lëvizjes VETËVENDOSJE! për të ardhmen e Kosovës bazohet në shtyllat mbi të cilat u ndërtua edhe Bashkimi Evropian: shtet i mirëqenies dhe paqe përmes anti-fashizmit. Në këtë linjë, Kosovës i duhet demokraci, drejtësi dhe zhvillim që të kemi paqe e siguri të qëndrueshme”.

“Në kundërshtim me këtë vizion janë negociatat që Presidenti Thaçi po i bën në mënyrë jodemokratike, pa mandat, pa platformë dhe pa ekip, duke shkelur vullnetin e interest e popullit. Rruga e duhur drejt raporteve të drejta, përkundrazi, përfshin katër hapa përgatitorë:

Vlerësimin e dialogut gjashtëvjeçar dhe të marrëveshjeve të deritanishme;

Përpilimin e një liste me qëllimet tona dhe kërkesat ndaj Serbisë;

Hartimin e një platforme me principe;

Krijimin e një ekipi negociator me udhëheqje kredibile dhe strategji përkatëse”, ka shkruar Kurti në Facebook.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...