Përparim Sadiku, punëtor i kompanisë, “Bechtel Enka”, kishte mbetur rreth dy orë i varur në vinç si pasojë e rrëzimit të njërit prej trarëve të autostradës, “Arbën Xhaferi”.
Ai, ka treguar për momentet gjatë kohës sa ka qëndruar i varur.
Sadiku ka thënë se gjatë kohës që rrinte aty, ka telefonuar edhe familjen.
Ai ka folur përmes telefonit me bashkëshorten e tij, por nuk i ka treguar se si ishte puna.
“E thirra edhe gruan në telefon. E pyeta se çka ka përgatitë për darkë”, tha ai.
Nëna e tij ka treguar se kishte marrë një telefonatë nga dikush, duke u mërzitur shumë se diçka do të mund t’i kishte ndodhur djalit të saj.
