Në Kosovë mot i vranët dhe me shi - Bota Sot
Në Kosovë mot i vranët dhe me shi

Kosova

Në Kosovë mot i vranët dhe me shi

Më: 20 nëntor 2018 Në ora: 06:56
Foto

Në fillim të javës mot kryesisht i vranët dhe me shi, në vise malore me borë.

Masat e ftohta ajrore që kanë depërtuar mbi rajon dhe një vorbull ciklonike që ndodhet mbi Italinë jugore, do të favorizojnë, më vonë gjatë ditës dhe natës, kushte për reshje bore, të cilat pritet të pushojnë nesër gjatë mëngjesit.

Nga dita e martë, një tjetër vorbull ciklonike nga Atlantiku do të sjell masa më të ngrohta ajrore nga Afrika veriore, që do të kushtëzojnë mot të vranët dhe me të reshura shiu, ku vende-vende këto të reshura mund të jenë intensive. Vetëm në vise malore priten reshje bore.

Image

Edhe ditëve të para të javës, parashihet një mot dinamik me qarkullim të mjaftueshëm ajror, që pritet të mbajë vlerat ditore të indeksit të kualitetit të ajrit kryesisht rreth vlerave normale, vetëm ditën e hënë kohë pas kohe mund të rriten në të pashëndetshme.

20.11-21.11 - Mot i vranët, kohë pas kohe me reshje shiu. Të martën vende-vende reshjet mund të jenë më intensive. Në vise malore priten edhe reshje bore.

22.11 - Mot kryesisht me vranësira, pasdite mundësi për riga lokale shiu.

23.11 - Mot kryesisht me diell.

Temperaturat e ajrit, do të shënojnë rritje rreth vlerave mesatare. Minimalet do të luhaten nga -1C deri në +5C, e maksimalet nga 5C deri në 9C.

Do të fryjë erë e lehtë drejtimesh të ndryshme 1-2m/s, e ditën e martë mesatarisht e fuqishme nga juglindja 5-13m/s. Shtypja atmosferike, do të zbres nën vlera normale, por nga dita e mërkurë do të shënojë rritje lartë mbi këto vlera. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...