Kryetari i LDK-së, Isa Mustafa ka përkujtuar veprimtarin Xhavit Ahmeti, në 22 vjetorin e vdekjes së tij.
Në kumtesën për media dërguar nga zyra për informim e LDK-së thuhet se Xhavit Ahmeti ishte intelektual, personalitet me virtyte të larta politike dhe kulturore dhe politikan i mençur i cili në kohë të vështira të Kosovës dha kontribut të madh për arsimin shqip, shkencën dhe politikën.
“Vdekja e Xhavit Ahmetit, veprimtarit të dalluar që e donte shumë Kosovën, ka lënë zbrazëti në proceset e shtet-ndërtimit të Kosovës. Ai punoi shumë dhe dha gjithçka për Kosovën pa u dorëzuar në asnjë moment”, thuhet në reagim.
