Në 22 vjetorin e vdekjes së profesorit dhe aktivistit të LDK-së Xhavit Ahmeti, kryesia e LDK-së, familjarë, kryetarë të degëve dhe miq kanë bërë homazhe te varri i tij.
Në emër të kryesisë para familjarëve, veprimtarëve të degës së dytë dhe miqve ka folur Sekretari i Përgjithshëm i LDK-së, Ismet Beqiri i cili tha se Xhavit Ahmeti ishte intelektual, politikan i mençur dhe personalitet me virtyte të larta dhe jo rastësisht ishte bashkëpunëtor i ngushtë i Presidentit Ibrahim Rugova.
“Xhavit Ahmeti ka dhënë shumë për arsimin, shkencën dhe kulturën në Kosovë”, ka thënë Beqiri.
Xhavit Ahmeti ka humbur jetën tragjikisht më 21 nëntor 1996.