Gjergji: Krishtlindja le të rikuperojë virtytet e dashurinë në mes njerëzve - Bota Sot
Gjergji: Krishtlindja le të rikuperojë virtytet e dashurinë në mes njerëzve

Kosova

Gjergji: Krishtlindja le të rikuperojë virtytet e dashurinë në mes njerëzve

Më: 25 dhjetor 2018 Në ora: 12:15
Drejtpërdrejt nga mesha në Katedralen “Shën Nënë Tereza”

(E plotësuar) - Zoti është burim i jetës. Ti kthehemi të vërtetës, ti kthehemi burimit, ti kthehemi shpellës së Betlehemit ku një foshnje e vogël na është ofruar dhe ajo foshnje është Zoti. Dhe porosia e tij është ‘Të Dua’. Aty ku nuk Zot, nuk ka jetë, aty ku nuk kënaqësi aty nuk ka lumturi.

Këto ishin disa nga fjalët e Ipeshkvit të Ipeshkvisë së Kosovës imzot Dodë Gjergji në meshën e sotme të mbajtur në Katedralen ‘Nëna Terezë’ për festën e Krishtlindjes.

Në mesazhin e tij, Gjergji tha se megjithë perfeksionit që Zoti ka bërë kur ka krijuar njeriun, ky i fundit nuk është mjaftuar ndërsa ka krijuar lakminë, ku për pasojë humbi lirinë e dinjitetin.

Gjergji bëri thirrje që njerëzit të mbështeten në Zotin dhe Jezu Krishtin.

Gjergji: Zoti nuk dëshiron ta lë njeriun e robëruar

“Zoti dëshiron që njeriu ta gjejë partnerin e komunikimit të bashkëjetesës dhe bashkëveprimit, mirëpo njeriu si duket nuk e kuptoi gjuhën e Zotit gjuhën e varfërisë dhe u mashtrua nga e keqja nga lakmia dhe dëshiroi të ishte si Zoti, humbi dinjitetin, humbi lirinë humbi hirin dhe si i tillë ra në robërinë e djallit në robërinë e mëkatit dhe vdekjes. Zoti nuk dëshiron që kryevepra e tij të jetë e robëruar, copëtuar e shëmtuar, po herëpashere Zoti foli në mënyra të ndryshme, foli nëpërmes mbretërve, nëpërmes profetëve,. Krejt Besëlidhja e Vjetër është një porosi, një fjalë një dëshirë e Zotit që mos ta lejë njeriun e robëruar.  tha Gjergji.

Gjergji bëri thirrje që virtytet dhe vlerat njerëzore të kthehen tek njeriu, por që sipas tij një gjë e tillë nuk mund të arrihet pa besuar dhe mbështetur në Zot. Ai mori shembull bamirësen shqiptare Nënë Terezën.

Gjergji: Nënë Tereza njohu vet Krishtin

“Sa njerëz kanë nevojë për Zotin kanë nevojë për dashuri, kanë nevojë për jetë, kanë nevojë për falje për pajtim për vlera dhe virtyte të mirëfillta të cilat pa Zotin s’mund ti realizojnë megjithatë jetën dhe zemrën e kanë të mbyllur. Por sa ne jemi të gatshëm ta njoftim, ta duam dhe ta shërbejmë, siç bëri ‘Shën Nëna jonë Terezë; e cila si qenie njerëzore njofti jo vetëm njeriun, jo vetëm nënën, motrën e vëllanë, por edhe më tepër, e njofti vet Jezu Krishtin”, tha Gjergji.

Kryeipeshkvi tha se Zoti vazhdimisht komunikon me njeriun, ndërsa sipas tij komunikimi  është dashuria, fjala e parë me të cilën Zoti krijoi qiellin me tokën dhe si kryevepër krijoi  njeriun Adamin dhe Evën dhe pasardhësit e tyre ishte shprehje e dashurive.

Gjergji duke bërë thirrje që Krishtlindja të rikuperojë vlerat dhe virtytet njerëzore, paqen e solidaritetin në mes njerëzve, tha se çdo ditë e më shumë kemi më pak falënderime  e dashuri mes tyre.

Gjergji: Të dalim nga kllapia e robërisë përmes Zotit

“Çka na duhet ne të dalim prej kësaj kllapie dhe robërie, të egoizmit te egocentrizmit të të patrikarlizmit të egër, të pedofilizmit, të materializimit dhe shpeshherë të ateizmit praktik. A spo shofim se gjithnjë e më pak kemi nderim, kemi falënderim e mbi të gjitha kemi dashuri, kjo ndodhë sepse ku s’ka Zot aty nuk ja jetë”, tha Gjergji.

Drejtpërdrejt nga mesha në Katedralen “Shën Nënë Tereza”

Mbahet mesha në Katedralen “Shën Nënë Tereza” në Prishtinë. 

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera