20 vjet nga rënia e Mujë Krasniqit dhe 40 luftëtarëve të UÇK-së

Kosova

20 vjet nga rënia e Mujë Krasniqit dhe 40 luftëtarëve të UÇK-së

Më: 14 dhjetor 2018 Në ora: 07:09
Mujë Krasniqi

Sot bëhen 20 vjet nga rënia heroike e komandantit të Brigadës 113 të Zonës Operative të Drenicës, Mujë Krasniqi - Kapuçi dhe 40 bashkëluftëtarëve të tij, në kufirin shqiptaro-shqiptar.

20 vite më parë, gjatë mëngjesit të acartë të 14 dhjetorit të vitit 1998 luftëtarët e UÇK-së deri sa sillnin armë në Kosovë, kishin rënë në pritën e organizuar nga ushtria dhe policia e armikut, në vendin e quajtur “Te Likenet e Hasit” në Gorozhup të Pashtrikut.

Gjatë luftimeve të pabarabarta të zhvilluara në borën e ftohtë të dhjetorit, veç dëshmorëve të rënë, u plagosën edhe dhjetëra luftëtarë, ndërsa disa luftëtarë u zunë rob lufte, por pas një aksioni të zhvilluar nga luftëtarët e UÇK-së 8 ushtarë të ushtrisë serbe ishin kapur dhe me ndërmjetësimin e OSBE-së u bë këmbimi i ushtarëve të të dyja palëve.

Image

Më 21 dhjetor të vitit 1998, dëshmorët e UÇK-së të rënë në brezin kufitar shqiptaro-shqiptar u varrosën në Polac të Drenicës me nderime larta ushtarake.

Për nder të rënies së Komandant Mujë Krasniqit dhe bashkëluftëtarëve të tij, sot Kuvendi i Kosovë ka caktuar ditën e sotme si datë për votimin e formimit të Ushtrisë së Kosovës.

commentFirst article
Sot mund të lexoni Shfletoni kopertinat