Një lokal është përfshirë nga zjarri në rrugën “Nazik Gafurri” në Prishtinë.
Rasti ka ndodhur më 24 dhjetor, në ora 23.15, njofton sot në raportin e saj të rregullt Policia e Kosovës.
Në vendin e ngjarjes kanë dalë njësitë relevante policore, zjarrfikësit të cilët e kanë shuar zjarrin, punëtorët e KEDS-it dhe eksperti i zjarreve.
Përveç dëmeve materiale nuk ka pasur ndonjë person të lënduar.
Është njoftuar prokurori kujdestar i shtetit dhe rasti mbetet të hetohet.