Aksidenti në Duhël, ka të lënduar edhe fëmijë

Kronikë e zezë

Aksidenti në Duhël, ka të lënduar edhe fëmijë

Më: 3 janar 2019 Në ora: 12:01
Pamje nga aksidenti

Katër persona kanë pësuar lëndime trupore, ndër ta edhe dy fëmijë në një aksident në magjistralen Prishtinë- Prizren më saktësisht në fshatin Duhël.

Zëdhënësi i Policisë për Rajonin e Prizrenit, Vesel Gashi tha për Kallxo se aksidenti ka ndodhur rreth orës 9 e 25 ndërsa të përfshira kanë qenë dy vetura.

“Rreth orës 9 e 25 minuta, në magjistralen Prishtinë- Prizren në fshatin Duhël në afërsi të shkollës, ka ardhur një aksident mes dy automjteve. Si pasojë e këtij aksidenti katër persona kanë pësuar lëndime dy fëmijë dhe dy të rritur”, tha Gashi për Kallxo.

Ai shtoi se të lënduarit së pari kanë pranuar tretman mjekësor në Qendrën e Mjekësisë Familjare në Duhël e më pas janë transferuar në Qendrën Rajonale në Suharekë.

Tutje, Gashi shtoi se dyshimet për aksidentin janë mospërshtatja e shpejtësisë dhe mospërshtatja e rregullave të trafikut.

“Edhe kushtet atmosferike luajnë rol në aksidente, por edhe nuk po respektohen rregullat në komunikacion. Hetuesit janë në vendin e ngjarjes ku ka ndodhur aksidenti. Shpresojnë që të mos kemi aksidente të tjera”, tha Gashi.

commentFirst article
Sot mund të lexoni Shfletoni kopertinat