Piu helm, vdes 56-vjeçari nga Suhareka

Kronikë e zezë

Piu helm, vdes 56-vjeçari nga Suhareka

Më: 9 janar 2019 Në ora: 20:34
Ilustrim

Një 56-vjeçar nga një fshat i Suharekës ka vdekur, mjekët thonë se ai ishte helmuar

Në spital ishte sjellë në gjendje shumë të rëndë.

E kur ekipi mjekësor e ekzaminoi 56 vjeçarin nga fshati Shirokë i Suharekës, u mor vesh se në trupin e tij gjendej një lëndë toksike.

V. Kokollari kishte pirë një lloj helmi nga i cili mjekët nuk munden ta shpëtojnë, raporton T7.

Urim Skeraj, mjeku që ka kontrolluar 56-vjecarin, ka treguar se si ishte gjendja e tij kur ishte pranuar në spital.

Skeraj ka bërë të ditur po ashtu se familjarët e viktimës kishin treguar që ai kishte kohë që ishte në depresion dhe vdekja e tij është konstatuar si vetëvrasje.

Sipas informacioneve që ka televizioni T7, problemet familjare që kishte Kokollari kishin bërë që ai të mos përballojë më dhe gjendja e tij emocionale ishte rënduar.

Megjithatë, Policia e Kosovës në raportin e saj 24 orësh rastin e 56 vjecarit e ka cilësuar vdekje të dyshimtë.

Trupi i pajetë është dërguar për obduksion, për t`iu liruar më pas familjarëve për ceremoninë e varrimit.

commentFirst article
Sot mund të lexoni Shfletoni kopertinat