Sipas raportit të policisë një person është arrestuar pasi që i njëjti ka goditur me veturën e tij viktimën femër në vendkalimin për këmbësor, përcjell Bota sot.
“Është arrestuar i dyshuari mashkull K/Shqiptar, i cili derisa kishte qenë duke e drejtuar veturën e tij në vendkalim të këmbësorëve e ka goditur këmbësoren femër K/Shqiptare dhe pas goditjes me veturë ishte larguar nga vendi i ngjarjes”, thuhet në raport
Si pasojë e aksidentit viktima kishte pësuar lëndime të rënda trupore dhe është duke marrë tretman mjekësor”, thuhet në raportin e policisë.
I dyshuari pas intervistimit me vendim të prokurorit, është dërguar në mbajtje.