Dhuna në familje po raportohet çdo ditë e më shumë. Një rast i tillë ka ndodhur edhe gjatë ditës së djeshme.
Në rrugën ”Çlirimtari” në Mitrovicë gjatë ditës së djeshme, një femër, ka njoftuar se është sulmuar dhe rrahur nga ish bashkëshorti i saj.
Kjo është bërë e ditur nga Policia e Kosovës në raportin ditore për 24 orët e fundit.
“I dyshuari nën ndikimin e alkoolit (0.95‰) viktimës i kishte shkaktuar fraktura të hundës. Me vendimin e prokurorit, i dyshuari pas arrestimit dërgohet në qendrën e mbajtjes”, thuhet në raportin e policisë.
Rasti është proceduar për “dhunë në familje – lëndim i rënd trupor- shkelje e urdhrit mbrojtës”.
