Një aksident trafiku në mes dy veturash ka ndodhur në aksin rrugor Prishtinë-Sllatinë, ku si pasojë e kësaj janë lënduar dy persona
Ngjarja ka ndodhur rreth orës 9:00, ku dy vetura janë përplasur duke shkaktuar kështu lëndime trupore te dy persona.
Rastin e ka konfirmuar edhe Zyra për Informim e Policisë së Kosovës për rajonin e Prishtinës.
“Rreth orës 9:00 kemi pranuar informatën për një aksident trafiku në rrugën Prishtinë-Sllatinë. Janë përfshirë dy vetura dhe janë lënduar dy persona. Njësiti policor ka dalë në vendin e ngjarjes, po ashtu edhe ekipi mjekësor të cilët i kanë marrë të lënduarit dhe i kanë dërguar në QKUK”, thuhet në përgjigjen e policisë.
