Policia e Lushnjës ka arrestuar një person pasi dyshohet se shpërndante drogë nëpër shkollat e qytetit.
32-vjeçari u arrestua në një ambient afër shkollës me disa doza kanabis.
Njoftimi i plotë i Policisë:
Shpërndante lëndë narkotike në shkolla, Patrulla e Policisë Lushnje kap në flagrancë autorin.
Sekuestrohen disa doza lëndë narkotike e dyshuar Cannabis Sativa.
Specialistët për Hetimin e Narkotikëve në Drejtorinë Vendore të Policisë Fier, bën arrestimin e shtetasit:
M.B, 32 vjeç, banues në Lushnje.
Arrestimi i këtij shtetasi u bë pasi në ambientin përreth shkollës u kap me disa doza lëndë narkotike të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Prodhimi dhe shitja e narkotikëve” dhe “Nxitja për përdorimin e drogës”.