Disa persona janë duke u trajtuar në Spitalin e Gjilanit, pas një aksidenti trafiku të ndodhur në qendër të qytetit.
Rastin për klankosova.tv, e ka bërë të ditur edhe zëdhënësi i Policisë së rajonit të Gjilanit, Ismet Hashani, ndërsa tha se dyshohet që shkaktar i aksidentit të jetë një kamion transportues.
”Po, fatkeqësisht ka ndodhur një aksident i rëndë në Gjilan. Dyshohet se shkaktar i aksidentit të jetë një kamion transportues”.
Ai tutje ka thënë se nuk dihen ende detajet se si erdhi deri tek përplasja e kamionit me veturat, njofton Klan Kosova.
Nga ky aksident, nuk ka të vdekur, ka konfirmuar më tej zëdhënësi i Policisë së rajonit të Gjilanit, Ismet Hashani.