Policia e Kosovës ka zhvilluar një aksion të bastisjes në Drenas.
Bastisja ka ndodhur saktësisht në një bllok banesash ku banon një grabitës, i cili sot nën kërcënimin e armës hyri dhe plaçkiti një institucion mikrofinanciar në Drenas.
Policia e Kosovës ka arritur ta identifikojë dhe më pas e ka arrestuar personin e dyshuar i cili nën kërcënimin e armës arriti të grabis një shumë të konsiderueshme parash në një institucion mikrofinanciar.
Këtë e ka bërë të ditur Flora Ahmeti, Zëdhënëse e Policisë së Kosovës për Rajonin e Prishtinës, e cila ka theksuar se arrestimi i të dyshuarit ka ardhur si rezultat i bashkëpunimit të qytetarëve me policinë.