Një i vdekur dhe një i plagosur është bilanci i një aksidenti të ndodhur mëngjesin e sotëm në Tepelenë.
Mësohet se një autobus ka përplasur një makinë tip ‘Volkswagen’ me të cilën udhëtonin një çift bashkëshortësh në aksin Tepelenë-Krahës.
Si pasojë e dëmtimeve të marra ka gjetur vdekjen gruaja, ndërsa burri u dërgua në spital në gjendje të rëndë.
Mësohet se autobusi me targa të Elbasanit, ishte nisur drejt Sarandës teksa në rrethana të paqarta, u përplas me mjetin.
Rrethanat e ngjarjes janë ende të paqarta ndërkohë që lidhur me këtë ngjarje hetimet janë në vijim.
