Policia e Kosovës ka arrestuar dy persona në Prishtinë, të cilët pas një mosmarrëveshje të mëhershme e kishin sulmuar një person tjetër.
Si pasojë e sulmit me thikë nga njëri prej të dyshuarve viktima kishte pësuar lëndime trupore, i njëjti ka marrë tretman mjekësor në QKUK.
Në lidhje me rastin që kishte ndodhur më 23 mars, është kontrolluar shtëpia e njërit prej të dyshuarve ku janë gjetur dhe janë konfiskuar dy armë të ftohta - thika.
Pas intervistimit dy të dyshuarit me vendim të prokurorit janë dërguar në mbajtje.
