Një person është vënë në prangat e policisë së Tiranës, i kapur me armë me vete dhe lëndë narkotike.
Shërbimet e Policisë të Komisariatit Nr.1, arrestuan në flagrancë 22-vjeçarin M. G., banues në Fier.
Mbrëmjen e kësaj të mërkure, në rrugën “Kostandin Kristoforidhi” është ndaluar për kontroll mjeti me drejtues shtetasin M. G.
Gjatë kontrollit fizik drejtuesit të mjetit, i është gjetur një pistoletë tip “Zaatava” me krehër pa fishekë dhe 0.8 gramë lëndë e dyshuar kanabis sativa, të cilat u sekuestruan në cilësinë e provës materiale.
Ndaj të dyshuarit hetimet janë në vijim, ndërkohë që materialet iu referuan Prokurorisë së Tiranës për veprat penale “Prodhim dhe mbajtja pa leje e armëve dhe municionit luftarak” dhe “Prodhim dhe shitje lëndësh narkotike”.
