Një person në Klinë dhe një tjetër në Malishevë, janë lënduar dje deri sa ishin në vendin e punë.
Sipas policisë, rasti i parë ka ndodhur në fshatin Budisale të Klinës, ku një person deri sa ishte në vendin e punë nga pa kujdesia ka rënë nga kati i dytë dhe ka pësuar lëndime trupore.
Viktima pas tretmanit mjekësor në Spitalin e Pejës është liruar. Më vonë nga familjarët është raportuar se viktimës i është keqësuar gjendja dhe i njëjti është dërguar në QKUK.
Sipas mjekut, viktima është në gjendje kome. Rasti është duke u hetuar.
Kurse, në Malishevë, një person ka pësuar lëndime trupore pasi është lënduar derisa ishte duke punuar në një firmë private.
Viktima është lënduar derisa ishte duke e lidhur me litar një kamion për ta tërhequr pasi kishte mbretur në baltë. I lënduari është dërguar për tretman mjekësor në QKUK.
