Gjykata Themelore në Ferizaj ka caktuar një muaj paraburgim për të dyshuarin A.K për shantazh.
Sipas Gjykatës i pandehuri A.K, dyshohet se më 13 maj në Ferizaj, me qëllim që vetes t’i sjellë dobi pasurore të kundërligjshme, fillimisht ka kanosur të dëmtuarën A.I., me vendbanim të përkohshëm në Gjermani, ku pasi e njëjta i kishte dërguar disa fotografi intime të bëra më parë përmes rrjetit social, i pandehuri nga e dëmtuara ka kërkuar një shumë parash në vlerë prej 100 euro, në të kundërtën do të publikoj fotot, duke i paraqitur edhe dy kushte, njëri që posa të vijë në Kosovë të ketë marrëdhënie me të pandehurin dhe kushti i dytë që menjëherë t’ia dërgojë 100 euro.
“E dëmtuara ka kërkuar nga motra e saj të ia jap këto para, të cilat edhe ia ka dhënë të pandehurit, i cili derisa i ka marr është arrestuar nga policia”, thuhet në deklaratë të Gjykatës.
