Policia e Kosovës njofton se në Gjakovë ka arrestuar të dyshuarin e komunitetit egjiptian pasi që gjatë kontrollit tek i njëjti janë gjetur dhe janë konfiskuar katër qese najloni me substancë narkotike e llojit marihuanë me peshë rreth 11 gramë, një (1) thikë ushtarake, pesë (5) telefona të llojeve të ndryshme dhe para 774.50 euro.
Ndërsa gjatë bastisjes në shtëpinë e tij përkatësisht në objektin ndihmës (shupë) janë gjetur: njëzet e shtatë qese najloni që dyshohet të jetë substancë narkotike e llojit marihuanë me peshë rreth 65 gramë, një kavanoz qelqi e mbushur me bari ngjyrë të gjelbër e dyshuar të jetë substancë narkotike e llojit marihuanë me peshë rreth 112 gramë dhe qese të zbrazëta për mbështjellje të narkotikut dhe një peshore digjitale. Me vendim të prokurorit i dyshuari dërgohet në mbajtje.