Prokuroria Themelore e Pejës, Departamenti i Përgjithshëm, ka ngritur sot aktakuzë kundër të pandehurit, E.B., për shkak të veprave penale rrezikim i trafikut publik dhe mos dhënie e ndihmës personit të lënduar në fatkeqësinë e trafikut publik, sipas Kodit Penal të Republikës së Kosovës.
E.B. më 13 prill të këtij vitit, rreth orës 02:00, në rrugën “Selman Lajçi” në Pejë, ka goditur me veturë tashmë të ndjerin A.C., duke e hedhur 4 metra jashtë rrugës dhe pas kësaj ai largohet nga vendi i ngjarjes.
Prokurori i çështjes i ka propozuar gjykatës që i pandehuri të shpallet fajtor sipas ligjit, dhe gjithashtu ka kërkuar shqiptimin e dënimit plotësues, marrjen e patentë shoferit.
