(E plotësuar) - Persona ende të panjohur i kanë zënë pritë dhe kanë qëlluar në drejtim të makinës që udhëtonte Julian Meçaj, i njohur si një prej ish anëtarëve të Bandës së Durrësit dhe me precedentë penale.
Makines tip Reng Rover i eshtë zënë pritë tek rrethrrotulli teksa ka qenë duke udhëtuar nga Maminasi drejt Durrësit. Në makinë ka qenë edhe një 47 vjeçar.
Ngjarja ndodhi rreth orës 13:30 në rrugën e re të ish Kënetës, në afërsi të autostradës. Nga atentati Julian Meçaj dhe personi tjeter kane mbetur te plagosur dhe ndodhen në spital.
"Më datë 20.06.2019, rreth orës 13:20, në lagjen 17/1 Durrës, në rrethana ende të paqarta janë plagosur dyshohet me armë zjarri nga persona ende të paidentifikuar, shtetasit J.M.,36 vjeç, dhe P.D.,47 vjeç, të cilët ndodhen jashtë rrezikut për jetën në Spitalin e Durrësit. Shërbimet e Policisë kanë shkuar menjëherë në vendngjarje dhe po punojnë për zbardhjen e plotë të ngjarjes, identifikimin dhe kapjen e autorit/ve" informon policia.
"Pamjet e mbërritura ka pasur breshëri plumbash drejt makinës së tij pasi mjetit i janë thyer të gjithë xhamat si para, prapa dhe në pjesët anësore. Ky është një personazh i njohur për punonjësit e policisë. Ai ka qenë pjesë e bandës së Durrësit dhe u arrestua në kohën kur u arrestua dhe Lul Berisha dhe anëtarë të kësaj bande. Më pas nuk dihen rrethanat që ka dalë nga burgu" raporton gazetari i RTV Ora Leonidha Musaj
Nuk dihet ende nëse Mecaj ka qenë i vetëm në makinë apo ka qenë nën shoqërinë e dikujt tjetër.
Plagoset Julian Meçaj në Durrës
Është plagosur në Durrës Julian Meçaj.
Ngjarja ndodhi pak minuta më parë pranë ish Kënetës. Meçaj është qëlluar nga persona të paidentifikuar.