Një banesë është përfshirë nga flakët e zjarrit në fshatin Aranitas në bashkinë e Mallakastrës. Ngjarja ka ndodhur pasditen e sotme në banesën e shtetasit, Mersin Bregasi, rreth 100m2 është shkrumbuar nga flakët.
Sakaq, në momentin e ngjarjes brenda në banesë ndodhej vetëm një e moshuar e cila fatmirësisht është nxjerrë pa dëmtime.
Ndërkohë, forcat zjarrfikëse të Mallakastrës kanë hasur vështirësi për shkak të terrenit të vështirë, por kanë arritur të shuajnë flakët.
Dëmet materiale kanë qenë të mëdha, ndërsa shkak i zjarrit mendohet të ketë qenë një shkëndijë elektrike.