Një muaj paraburgim për të dyshuarin për dhunim - Bota Sot
Një muaj paraburgim për të dyshuarin për dhunim

Kronikë e zezë

Një muaj paraburgim për të dyshuarin për dhunim

Më: 27 qershor 2019 Në ora: 14:43
Gjykata Themelore në Prishtinë

Gjykata Themelore në Prishtinë, përkatësisht Departamenti për Krime të Rënda ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurit A.M. për shkak të dyshimit të bazuar se i njëjti ka kryer veprën penale “Dhunimi”.

Gjykata ka marrë aktvendim dhe të pandehurit A.M. i ka caktuar masën e paraburgimit në kohëzgjatje prej një muaji.

Ekziston dyshimi i bazuar se i pandehuri ka kryer veprën penale që i vihet në barrë dhe ekzistojnë arsyet e bazuara se po të gjendej në liri do të mund të pengonte rrjedhën e procedurës penale duke fshehur, ndryshuar ose falsifikuar provat e veprës penale si dhe duke ndikuar në të dëmtuarin apo në dëshmitarë të rastit.

Duke u bazuar në mënyrën dhe rrethanat në të cilën është kryer vepra penale, peshën e veprës penale, karakteristikat personale të pandehurit, si dhe sjelljet e tij të mëparshme, nëse i pandehuri qëndron në liri do të mund të përsërisë veprën e njëjtë apo të ngjashme penale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...