Gomonia defekt në det, shpëtohen dy persona, nisin hetimet për trafik - Bota Sot
Gomonia defekt në det, shpëtohen dy persona, nisin hetimet për trafik

Kronikë e zezë

Gomonia defekt në det, shpëtohen dy persona, nisin hetimet për trafik

Më: 23 korrik 2019 Në ora: 07:57
Ilustrim

Një gomone ka pësuar defekt në det dhe në pamundësi për ta riparuar, dy personat që ndodheshin në të kanë kërkuar ndihmën e policisë bregdetare.

Ngjarja është regjistruar mbrëmjen e djeshme në brigjet e Vlorës, pranë ishullit të Sazanit. Gomonia me emrin ‘Stuhia 1375’, me 2 persona në bord, me shtetësi shqiptare ka, ka pësuar defekt në një motor dhe është këputur sistemi i drejtimit (timoni).

Kjo ka bërë që dy personat në bord të kërkonin ndihmë, dhe menjëherë pranë tyre ka shkuar roja bregdetare dhe policia kufitare të cilët i kanë shpëtuar, ndërsa kanë nxjerrë mjetin lundrues në breg.

Personat, ende të paidentifikuar janë jashtë rrezikut për jetën, ndërsa nuk dihet ende arsyeja e lundrimit të tyre me gomone pranë ishullit të Sazanit.

Nga ana e saj policia ka nisur hetimet pas dyshimeve se mjeti lundrues po përdorej për trafik droge. Për këtë arsye po verifikohet dokumentacioni i mjetit lundrues.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...