Një 53 vjeçar është arrestuar mbrëmë pas mesnate pasi sipas policisë, kishte shkrepur me armë në një dasmë.
Sipas policisë, rasti ka ndodhur në fshatin Çajle të Gostivarit ku i dyshuari i ka lënë të lënduar dy gra, H.I. 44 dhe M.M. 35 vjeçe.
Viktimat e lënduara janë dërguar në spitalin e përgjithshëm ndërsa i dyshuari 53 vjeçar është dërguar në mbajtje.
Të dyshuarit i është gjetur dhe konfiskuar një pistoletë, e cila po ashtu është dërguar për ekspertizë të mëtejme.