Arrestohet një 25 vjeçar në Pejë pasi e kërcënoi kamerierin me armë - Bota Sot
Arrestohet një 25 vjeçar në Pejë pasi e kërcënoi kamerierin me armë

Kronikë e zezë

Arrestohet një 25 vjeçar në Pejë pasi e kërcënoi kamerierin me armë

Më: 24 gusht 2019 Në ora: 22:38
Ilustrim

Policia e Kosovës ka arrestuar një person i cili kishte kërcënuar me armë punëtorin e një kafeneje në Pejë. I dyshuari edhe pse kishte arritur që të ikte, policia arriti ta kapte dhe ta arrestonte. Madje ai e kishte armën me vete edhe kur ishte arrestuar.

Ngjarja ka ndodhur ditën e sotme në orën 15:45 në njërën prej kafeneve të Pejës.

Arma e cila ishte gjetur e fshehur në pjesën prapa ulësve të makinës. Lloji i armës është ‘Gap’ cal. 8mm, me një karikator dhe një fishek 9mm.

Njoftimi i plotë i Policisë së Pejës:

Me datën 24.08.2019 rreth orës 15:45 Policia ka pranuar informacion se ishte një problem në rr.‘Hasan Prishtina’ në Pejë, përkatësisht me një kafitëri.

Një person i dyshuar, shtetasi sh/K me inicialet Y.G.(1994) kishte ekspozuar armën duke kanosur viktimën shtetasin shqiptar Kosovar, punëtor në ketë kafitëri.

Reagimi policor ishte i menjëhershëm, edhe pse i dyshuari kishte arritur të largohej nga ky lokacion, policia arrin ta kapë të njëjtin, kthen në vendin e ngjarjes për të gjetur edhe armën me të cilën kishte kanosur viktimën.

Arma është gjetur e fshehur prapa ulëseve ku kishte qëndruar i dyshuari. Është konfiskuar arma e tipit ‘ Gap’ cal. 8mm, 1 karrikator, 1 fishek 9mm nga Njësiti i Hetimeve dhe i dyshuari është shoqëruar për në stacion, dhe pas intervistës nga hetuesit me urdhër të Prokurorit shtetit ndalohet për 48 orë për të vazhduar me procedura të mëtejme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...