Organizonin lojëra të fatit, shtatë persona shoqërohen në polici - Bota Sot
Organizonin lojëra të fatit, shtatë persona shoqërohen në polici

Kronikë e zezë

Organizonin lojëra të fatit, shtatë persona shoqërohen në polici

Më: 14 shtator 2019 Në ora: 11:12
Ilustrim

Shtatë persona janë shoqëruar në stacionin policor në Prishtinë, pasi në lokalet e tyre organizonin lojëra të fatit.

Sipas Policisë, rasti i parë ishte në bulevardin Bill Klinton në Prishtinë, ku njësia përkatëse policore ka kontrolluar lokalin në të cilin ishin duke u organizuar lojëra të fatit.    

“Katër të dyshuar meshkuj janë shoqëruar në stacionin policor, ndërsa në vendin e ngjarjes janë konfiskuar 20 shtëpiza kompjuterike, 20 televizor, 2 diviar, 4 telefona mobil, disa pajisje elektronike dhe 1410.5 euro parë të gatshme. Me vendim të prokurorit një i dyshuar është dërguar në mbajtje, ndërsa të dyshuarit tjerë janë liruar në procedurë të rregullt”, thuihet në njoftim.

Kurse, rasti tjetër ka ndodhur në rrugën ‘UÇK’, në Prishtinë, ku njësia përkatëse policore ka kontrolluar lokalin në të cilin ishin duke u organizuar lojëra të fatit.

“Tre të dyshuar meshkuj janë shoqëruar në stacionin policor, ndërsa në vendin e ngjarjes janë konfiskuar tri shtëpiza kompjuterike, një lap-top, pesë televizor dhe 661.30 euro pra të gatshme. Me vendim të prokurorit pas intervistimit të dyshuarit janë liruar dhe rasti shkon në procedurë të rregullt”, thuhet në njoftim.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...