Policia e Kosovës ka arrestuar dy persona në Obiliq, pasi të njëjtit pas një mosmarrëveshje rreth vendosjes së një gypi të kanalizimit, janë rrahur mes vete.
Në këtë incident që ka ndodhur dje në ora 14.00, është përfshirë edhe një person i tretë - vëllai i njërit prej të dyshuarve.
Me vendim të prokurorit kujdestar dy të dyshuarit janë dërguar në mbajtje për 48 orë, ndërsa i dyshuari i tretë është liruar në procedurë të rregullt.