Arrestohen dy shtetas turq në Sarandë - Bota Sot
Arrestohen dy shtetas turq në Sarandë

Kronikë e zezë

Arrestohen dy shtetas turq në Sarandë

Më: 6 tetor 2019 Në ora: 15:02
Foto Ilustrim

Policia e Sarandës nëpërmjet një deklarate për mediat ka bërë me dije se ka arrestuar dy shtetas turq.

Njëri është kapiteni i një anije të ankoruar në portin e Sarandës, ndërsa tjetri dyshohet se kishte dokumente të falsifikuar.

Të dy personat janë banues në Bodrum të Turqisë.

Njoftimi i policisë:

Sarandë

Policia Kufitare në bashkëpunim me Seksionin e Krimeve pranë Komisariatit të Policisë Sarandë kanë arrestuar në flagrancë dy shtetas turq:

N.I., 31 vjeç, banues në Bodrum,Turqi.

E.A., 40 vjeç, banues në Bodrum, Turqi.

Policia Kufitare në bashkëpunim me Seksionin e Krimit pranë Komisariatit Sarandë, pas hetimeve dhe verifikimeve të kryera, si dhe pas kontrollit të ushtruar në anijen e ankoruar në Portin e Sarandës me kapiten shtetasin E.A, ka rezultuar se është gjetur i fshehur brenda këtij mjeti lundrues shtetasi N.I, ku pas kontrollit personal këtij të fundit i janë gjetur dokumenta të cilat dyshohet të jenë të falsifikuara.

Materialet iu referuan Prokurorisë në ngarkim të shtetasit N.I për veprat penale “Falsifikimi i letërnjoftimeve, i pasaportave ose i vizave” dhe “Kalimi i paligjshëm i kufirit shtetëror”, si dhe në ngarkim të shtetasit E.A për veprën penale “Ndihma për kalim të paligjshëm të kufijve”./TCh/

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...