Policia raporton se mbrëmë në fshatin Polac të Skënderajt ka ndodhur grabitje në një pompë të derivateve.
Sipas ankuesit, roje e pompës, në lokal kanë hyrë brenda dy persona të maskuar dhe të armatosur të cilët kanë shkrepur me armë zjarri duke arritur që t’ia grabisin para të gatshme.
Në vendin e ngjarjes është gjetur dhe është konfiskuar një gëzhojë e kalibrit 6 mm. Nuk raportohet për të lënduar dhe për dëme materiale. Të dyshuarit kanë ikur në drejtim të panjohur me një veturë pa targa.