Ngjarja e rëndë në Prizren, 38-vjeçarja kryen vetëvrasje - Bota Sot
Ngjarja e rëndë në Prizren, 38-vjeçarja kryen vetëvrasje

Kronikë e zezë

Ngjarja e rëndë në Prizren, 38-vjeçarja kryen vetëvrasje

Më: 5 nëntor 2019 Në ora: 18:34
Foto ilustrim

Të premten e 1 nëntorit, në fshatin Kushnin të Prizrenit një grua është gjetur e varur në kulmin e shtëpisë së saj. Ngjarja e rëndë është raportuar në polici nga vjehrra e së ndjerës, e cila edhe e kishte hequr trupin e pajetë nga litari.

Mëngjesin e së premtes, një ngjarje e rëndë ka tronditur fshatin Kushnin të Prizrenit. Një 38-vjeçare i ka dhënë fund jetës së saj duke u varur në litar.

Këtë rast e ka konfirmuar zëdhënësi i policisë për rajonin e Prizrenit, Shaban Osmanollaj, i cili ka dhënë më shumë detaje se si ka ndodhur ngjarja.

“Me datë 01.11.2019 rreth orës 11:30 jemi informuar për vetëvrasje që ka ndodhur në fshatin Kushnin- Prizren. Trupi i pajetë i një gruaje Kosovare/Shqiptare u gjet në kulmin e shtëpisë së viktimës, nga vjehrra (dëshmitare), e cila e hoqi trupin e pajetë nga litari. Në vendin e ngjarjes kanë qenë të gjitha njësit përkatëse, Hetimet Rajonale dhe ekipi mjekësor. Në vendngjarje është konstatuar vdekja e viktimës nga ekipi mjekësor”, ka bërë të ditur Osmanollaj.

Osmanollaj ka treguare se në konsultim me prokurorin, rasti është cilësuar si “Vetëvrasje”, ndërkaq trupi i pajetë i viktimës është dërguar në Institutin e Mjekësisë Ligjore për obduksion, me urdhër të prokurorit.

“Në konsultim me prokurorin rasti cilësohet “Vetëvrasje”. Me urdhër te prokurorit trupi i pajete është dërguar  ne IML për obduksion. Rasti është duke u hetuar nga njësiti i specializuar i hetimeve Rajonale ne Prizren. Viktima është e lindur ne vitin 1981”, ka theksuar Osmanollaj.

Shfaq komentet
comments powered by Disqus
Sot mund të lexoni Shfletoni kopertinat