Një aksident i rëndë është regjistruar në orët e vona të mbrëmjes së djeshme ( 9 nëntor), në Berzhitë.
Policia njofton se si pasojë e aksidentit kanë ndërruar jetë dy adoleshente. Viktimat janë identifikuar si shtetaset D. T, 17 vjeçe dhe S. S, 17 vjeçe.
Viktimat ishin duke udhëtuar në mjet me 18-vjeçarin, F. SH.,18 vjeç, i cili drejtonte mjetin, si dhe dy pasagjerët e tjerë O. M, 14 vjeç dhe L. M, 14 vjeç. Këta të fundit ndodhen në spital, por ende nuk dihet gjendja shëndetësore e tyre.
Shkak i aksidentit dyshohet të jetë bërë shpejtësia e lartë. Si pasojë e shpejtësisë dhe lagështirës në rrugë dyshohet se drejtuesi i mjetit ka humbur kontrollin dhe është përplasur me një pemë.
