Një i ri është arrestuar për armëmbajtje pa leje, pasi u kap me një pistoletë. Pas informacioneve në rrugë operative se në Bathore në rrugën “Demokracia”, një person qarkullonte në orët e pasdites duke mbajtur me vete armë zjarri, efektivët kanë ndërhyrë.
Në kudër të operacionit të koduar "Manreka", policia arrestoi 26-vjeçarin me iniciale G. SH., i cili qarkullonte në zonën e Bathores me pistoletë.
Gjatë kontrollit fizik, shtetasit G. Sh. i është gjetur në trup (në brez), një armë zjarri pistoletë dhe një krehër me 8 fishekë, të cilët u sekuestruan në cilësinë e provës materiale.
Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.
