Policia e Kosovës pas një hetimi rreth një mujor dje në rrugën ‘’Kristofer Kristoforidhi’’, në Prishtinë, ka realizuar një operacion policor i cili ka rezultuar me arrestimin e dy personave të dyshuar nën dyshimin e bazuar për përfshirje në veprat penale” Blerja, posedimi, shitja ose shpërndarja e paautorizuar e narkotikëve, substancave, psikotrope ose analoge dhe posedim i paautorizuar i armëve dhe municionit”.
Personat e dyshuar tanimë të arrestuar janë G. S. viti i lindjes 1989 dhe M. S. viti i lindjes 1983.
Sipas Policisë, gjatë këtij operacioni policor, në konsultim me prokurorin kompetent janë kryer bastisje në dy lokacione në të cilat banonin personat e dyshuar, ku në pjesë të ndryshme të janë gjetur sasi të llojeve të ndryshme të narkotikëve, të cilat në cilësi të provave materiale janë konfiskuar.
“Në lokacionin e banimit të personit të dyshuar G. S. janë gjetur dhe konfiskuar; 13 paketime të formave dhe madhësive të ndryshme e dyshuar për substance narkotike të llojit marihune me peshë prej 1.185.8 gram ( 1 kg e 185.8 gram), 1 paketim me pluhur të dyshuar si substance narkotike e llojit kokaine me peshe prej 12.8 gram, 1685 euro para të gatshme, 1 peshore digjitale, 1 telefon iphone 7 plus dhe vetura BMË X5 e dyshuar si e përfituar në mënyrë të kundërligjshme. Në lokacionin e banimit të personit të dyshuar M. S. janë gjetur dhe konfiskuar; 58 paketime të formave dhe madhësive të ndryshme e dyshuar për substance narkotike të llojit marihuane me peshë prej 21.910 gram ( 21kg e 910 gram ), 1 paketim me fara kanabisi me peshe prej 2.2 gram, 3 fishek, 2 telefona celulare dhe disa qese që përdoren për përdorimin e narkotikeve”, ka shkruar ai.
Të dyshuarit janë intervistuar në prani të avokateve mbrojtës të caktuar sipas detyrës zyrtare dhe pas intervistimit me vendim të prokurorit janë dërguar në mbajtje.
