E kërcënoi se do ta vriste dhe rrahu barbarisht bashkëshorten, arrestohet në flagrancë 39 vjeçari

Kronikë e zezë

E kërcënoi se do ta vriste dhe rrahu barbarisht bashkëshorten, arrestohet në flagrancë 39 vjeçari

Më: 6 maj 2020 Në ora: 12:49
Ilustrim

Një 39-vjeçar është arrestuar nga Policia e Dibrës, pasi akuzohet për dhunë në familje.

Policia njofton se ka vënë në pranga shtetasin L. D., i cili ka dhunuar bashkëshorten e tij, duke i shkaktuar dëmtime të rënda në trup gjithashtu dhe e ka kërcënuar se do ta vriste.

Njoftimi i policisë:

Dibër

Falë reagimit të menjëhershëm të Policisë u parandalua një ngjarje e mundshme kriminale brenda familjes.

Arrestohet në flagrancë një 39-vjeçar, pasi dhunoi dhe kërcënoi për vrasje bashkëshorten e tij.

Nga shërbimet e Komisariatit të Policisë Dibër, falë reagimit të shpejtë dhe ndërhyrjes në kohë, u bë arrestimi në flagrancë i shtetasit L. D., 39 vjeç, banues në Dibër.

Arrestimi i tij u bë pasi në banesë ka ushtruar dhunë fizike ndaj bashkëshortes, duke i shkaktuar dëmtime në trup dhe e ka kërcënuar se do ta vriste.

Materialet iu referuan Prokurorisë pranë Gjykatës së Shkallës së Parë Dibër, për veprat penale “Dhunë në familje”, “Kanosja” dhe “Dëmtime të tjera me dashje”.

commentFirst article
Sot mund të lexoni Shfletoni kopertinat