Një person është arrestuar pasi kishte ushtruar dhunë fizike ndaj bashkëshortes për shkak të xhelozisë.
Policia e Kosovës njofton se viktimës i është ofruar ndihmë mjekësore pas incidentit.
“Është arrestuar i dyshuari mashkull kosovar i cili për motive të ulëta xhelozie kishte ushtruar dhunë fizike ndaj bashkëshortes së tij viktimës femër kosovare të cilës i është ofruar ndihma mjekësore. I dyshuari me vendim të prokurorit është dërguar në mbajtje për 48 orë”, thuhet në raportin e policisë.
Rastet e dhunës në familje kanë shënuar rritje në Kosovë dhe në shumë vende të botës, në këtë kohë të izolimit dhe përballjes me Covid-19.
