Rreth vdekjes vajzës 13 vjeçarit në një pishinë të fshatit Baicë të Lipjanit, policia ka dhënë detaje të reja.
Dje u raportua se një i mitur, përkatësisht një djalë 13 vjeçar nga Komorani, është mbytur në një pishinë, ndërkaq policia ka informuar edhe sot nëpërmjet raportit 24 orësh të saj, rast ky i cili cilësohet si “Vdekje e dyshimtë”.
Në njoftimin e PK’së, thuhet se ky rast ka ndodhur rreth orës 14:30, kurse viktima është dërguar pa shenja jete në shtëpinë e shëndetit.
“Vdekjen e viktimës e ka konstatuar mjeku kujdestar. Në vendin e ngjarjes kanë dalë njësitë përkatëse dhe prokurori. Me vendim të prokurorit trupi i pa jetë dërgohet në IML për obduksion”, thuhet tutje në njoftimin e policisë.
Njoftimi i plotë:
“Fsh.Baicë, Lipjan, 27.06.2020-14:30. Raportohet se viktima i mitur mashkull i cili ka qenë në pishinë është dërguar pa shenja jete në shtëpinë shëndetit. Vdekjen e viktimës e ka konstatuar mjeku kujdestar. Në vendin e ngjarjes kanë dalë njësitë përkatëse dhe prokurori. Me vendim të prokurorit trupi i pa jetë dërgohet në IML për obduksion”.