Dy raste të dhunës në familje kanë ndodhur gjatë ditës së djeshme në Pejë, njofton policia përmes raportit 24 orësh.
Rasti i parë ka ndodhur rreth orës 12:00, ku një person është arrestuar pasi që i njëjti ka ushtruar dhunë psikike e fizike ndaj nënës së tij. Viktima nuk ka pranuar tretman mjekësor, ndërsa pas intervistimit dhe me vendim të prokurorit i dyshuari është dërguar në mbajtje.
Ndërsa rasti i dytë ka ndodhu rreth orës 17:00, ku një person është arrestuar pasi që i njëjti pas një mosmarrëveshje ka rrahur fizikisht bashkëshorten e tij. Viktima ka pranuar tretman mjekësor, ndërsa pas intervistimit me vendim të prokurorit i dyshuari është dërguar në mbajtje.
