RENEA prangos 32-vjeçarin në Bulqizë, i dënuar për disa krime - Bota Sot
RENEA prangos 32-vjeçarin në Bulqizë, i dënuar për disa krime

Kronikë e zezë

RENEA prangos 32-vjeçarin në Bulqizë, i dënuar për disa krime

Më: 3 korrik 2020 Në ora: 08:53
Arrestimi

Finalizohet operacioni policor i koduar "Fundi i arratisë" në Bulqizë.

Vihet në pranga një 32-vjeçar me rrezikshmëri të lartë shoqërore.

Gjatë operacionit për kapjen e tij, forcat speciale RENEA gjetën dhe sekuestruan një armë zjarri pistoletë tip "Glock" që e mbante pa leje dhe fishekë luftarak.

“Mbi bazën e këtyre informacioneve u organizua dhe u finalizua me sukses operacioni policor i koduar "Fundi i arratisë", në kuadër të të cilit, në fshatin Vajkal të Bulqizës, pas rrethimit të banesës dhe ndërhyrjes profesionale u bë e mundur kapja dhe prangosja e shtetasit të kërkuar Fadil Tërnova, 32 vjeç, i cili në momentin e ndërhyrjes u gjend i fshehur në ambientet e bodrumit të hapur enkas në një prej dhomave, që ishte i mbuluar me pllakat e dyshemesë.” – njofton policia.

Ky shtetas ishte person i shpallur në kërkim që prej vitit 2018, për veprat penale “Heqja e paligjshme e lirisë”, “Kanosje për të mos kallëzuar krimin” dhe "Armëmbajtja pa leje".

Për këto vepra penale, Gjykata e Shkalles së Parë Dibër i ka caktuar këtij shtetasi masën e sigurisë “Arrest në burg”.

Shtetasi Fadil Tërnova është person me rrezikshmëri të theksuar kriminale.

I dënuar për vrasjen e shtetasit Sh. Sh., në vitin 2013, në qytetin e Bulqizës, i arrestuar e dënuar më parë për veprën penale "Armëmbajtja pa leje", si dhe i proceduar disa herë për vepra të ndryshme penale kundër personit si "Përndjekja", "Kanosja", “Mosbindje ndaj urdhrit të punonjësit të rendit publik’’ dhe “Shkatërrim i pronës’’.

Gjithashtu ky shtetas dyshohet se është organizator dhe autor kryesor për disa raste të ndodhura më parë për “Shtrëngim për dhënie pasurie”.

Shfaq komentet
comments powered by Disqus
Sot mund të lexoni Shfletoni kopertinat