Një person është gjetur pa shenja jete në banesën e tij në Rahovec.
I njeri ishte rreth moshës 50 vjeçe dhe sipas të afërmve të tij, vuante nga obeziteti.
Lajmin e ka konfirmuar për media, drejtori Rajonal i Komunës së Gjakovës, Lumni Graishta, i cili njoftoi se trupi i pajetë është dërguar në IML për obduksion.
“Rreth orës 19:40 rastin e ka raportuar një kushëri i viktimës. I ndjeri ka qenë rreth moshës 50 vjeçe dhe ka jetuar i vetëm. Sipas të afërmve, ai ka vuajtur nga obeziteti dhe 3-4 ditët e fundit nuk është parë të ketë dalë jashtë. Kusherinjtë kanë dëgjuar kundërmimin e erës dhe kanë njoftuar policinë, kjo e fundit së bashku me ekipet mjekësore i është përgjigjur kërkesës dhe kanë dalë në vendin e ngjarjes. Aty kanë parë që është një trup i pajetë. Trupi ka filluar të dekompozohet, ndoshta për shkak të temperaturave të larta. Me urdhër të prokurorit, trupi i pajetë është dërguar për obduksion”, ka thënë Graishta.
